By Faith Alone?

Bilang isang Romano Katoliko, may mga ilang paniniwala ang simbahan na seryoso kong pinapangatawanan at ipinaglalaban. Isa sa mga pinakaimportante ay ang debate sa kung paano tayo maisasalba ng Panginoon mula sa ating mga kasalanan upang makasama natin Siya magpakailanman sa kabilang buhay. Are we really saved by faith alone?

Naglipana ang mga papel na may mga salita ng Diyos sa kalye. Kadalasan ay makakapulot ka ng mga pakalat-kalat lamang sa mga gasolinahan. Pagbuklat mo sa maliit na papel ay may mensaheng nagsasabing, "kapag tinanggap mo ang Panginoon ng buong-buo sa iyong buhay, ikaw ay maililigtas!" Karamihan pa sa mga papel na ito ay pinupuna ang turo ng simbahang Katoliko na hindi lamang tayo maisasalba sa pamamagitan ng paniniwala sa Diyos, kung hindi pati na rin sa ating mga gawain. In short, we are saved through faith AND good actions.

Kanina sa simbahan, napakaganda ng gospel mula sa libro ni Mateo. Dito sinabi ni Kristo ang mga pinakaimportanteng salita na makasasagot sa lahat ng katanungan ng debateng ito. Ayon sa Matthew 7:21-27:

21 "Not everyone who says to me, 'Lord, Lord,' will enter the kingdom of heaven, but only he who does the will of my Father who is in heaven. 22 Many will say to me on that day, 'Lord, Lord, did we not prophesy in your name, and in your name drive out demons and perform many miracles?' 23 Then I will tell them plainly, 'I never knew you. Away from me, you evildoers!'

24 "Therefore everyone who hears these words of mine and puts them into practice is like a wise man who built his house on the rock. 25 The rain came down, the streams rose, and the winds blew and beat against that house; yet it did not fall, because it had its foundation on the rock. 26 But everyone who hears these words of mine and does not put them into practice is like a foolish man who built his house on sand. 27 The rain came down, the streams rose, and the winds blew and beat against that house, and it fell with a great crash."

Katwiran pa ng pari na namuno sa misa, ang paniniwalang tayo ay maisasalba sa pamamagitan ng ating paniniwala at mga gawain ay isa sa mga pinakaimportanteng kaibahan ng simbahang Katoliko sa iba pang simbahang Kristiyano.

Hindi sapat ang paniniwala sa Diyos at pakikinig sa banal na salita upang ikaw ay maisalba. Mahalaga rin na maipakita mo sa pamamagitan ng iyong mga gawain na ikaw ay namumuhay sa mga salita ng Diyos. Kahit sino ay kayang makinig sa salita ng Diyos, ngunit hindi lahat ay may kakayanang sundin ang mga nakasaad dito.

Sa mga karanasang nadaanan ng pamilya namin, napagtanto ko na ang pagiging Kristiyano ay isang mahirap na hamon. Walang madaling paraan na gawin ang ating tungkulin bilang mga tagasunod ni Kristo. Tayo ay huhusgahan, pagdududahan, hahamunin, at susubukan. There are no shortcuts in being a Christian. Kung nagawa ng Diyos magpapako sa krus at magpakahirap para lamang tubusin ang mga kasalanan ng sanlibutan, sino ang nagbigay sa'tin ng karapatang gumawa na lamang ng kahit anong bagay at umasang tayo ay isasalba pa rin dahilan lamang sa tayo ay naniniwala sa Diyos? Kung nagpakahirap siya para sa'tin, hindi ba karapat-dapat din natin siyang suklian ng paghihirap at pagmamahal?